Thug an tUachtarán aitheantas do Choimeádaithe Síochána na hÉireann
Foilsithe: Lua 25th Bea, 2020 | 11:36
Tá sé ráite ag an Uachtarán Ó hUigínn go bhfuil sé bródúil gurb í Éire an t-aon náisiún a bhfuil coimeádaithe síochána go leanúnach aige in oibríochtaí tacaíochta síochána faoi shainordú na NA ó 1958 i leith.
In 2018, ina aitheasc do choimeádaithe síochána agus a muintir, thug an tUachtarán Ó hUigínn aitheantas don “ghairmiúlacht, don chrógacht agus don tiomantas don síocháin agus don daonnúlachas” atá i gcroílár chaidreamh choimeádaithe síochána na hÉireann. D’iarr sé go liostálfadh tuilleadh ban sna misin choimeádta síochána.
Níos luaithe sa bhliain sin, thug an tUachtarán aitheasc do Chomhthionól Ginearálta na NA, agus dúirt gur “saothar ollmhór atá i gcruthú agus i gcothú na síochána, ach saothar nach mór dúinn a bhaint amach mar phobal náisiún.”
Nuair a thug an tUachtarán cuairt ar choimeádaithe síochána na hÉireann sa Liobáin, in 2015 agus arís in 2019, tharraing sé aird ar obair na gcoimeádaithe síochána Éireannacha ar fud an domhain agus dúirt go raibh oidhreacht bhródúil mhorálta ag Éirinn bunaithe ar a taithí ag coimeád na síochána.
I mí Iúil 2012, chuaigh an tUachtarán i gceannas ar shearmanas chun comóradh a dhéanamh ar na fir agus na mná a fuair bás le linn dóibh seirbhís a bheith á déanamh acu mar choimeádaithe síochána leis na Náisiún Aontaithe. (Sonraí anseo)
Imeachtaí bainteacha:
- Chuir an tUachtarán fáiltiú ar siúl do ghrúpa Ionadaithe Buana ag na Náisúin Aontaithe (2020)
- Thug an tUachtarán cuairt ar Thrúpaí na hÉireann a bhí bunaithe sa Liobáin (2019)
- Bhuail an tUachtarán le comhaltaí an Gharda Síochána a bhí ar dualgas sa Chipir (2019)
- Thug an tUachtarán cuairt ar cheanncheathrú UNFICYP (2019)
- Rinne an tUachtarán freastal ar Imeacht Stáit chun comóradh a dhéanamh ar imlonnú trúpaí Éireannacha le síocháin a choimeád leis na NA 60 bliain ó shin. (2018)
- Thug an tUachtarán aitheasc do Chomhthionól Ginearálta na NA (2018)
- Ráiteas ón Uachtarán Micheál D. Ó hUigínn i ndiaidh a chruinnithe le hArd-Rúnaí na Náisiún Aontaithe, António Guterres (2018)
- Bhuail an tUachtarán le trúpaí na hÉireann a bhí ar dualgas le UNIFIL i nDeisceart na Liobáine (2015)