Thug Aire Gnóthaí Eachtracha na Cróite, Gordan Grlić Radman, cuairt ar Bhaile Átha Cliath ó 30 Márta go 1 Aibreán le haghaidh lóin oibre leis an Tánaiste. Mar chuid den chuairt seo ar Éirinn, thug an Aire Grlić Radman cuairt chúirtéise ar an Uachtarán Ó hUigínn.
Deis a bhí sa chuairt seo ar Éirinn, cuairt ar iarr an tAire Grlić Radman í, chun cur leis an gcaidreamh déthaobhach, ag tógáil ar an gcuairt a rinne an Príomh-Aire Plenković i mí Mheán Fómhair 2023 agus ar theagmhálacha rialta idir Airí de chuid an dá thír. Tar éis dhúnmharú beirt shaoránaigh de chuid na Cróite in Éirinn le 15 mhí anuas, deis a bhí sa chruinniú seo leis an Uachtarán Ó hUigínn freisin d'Éirinn tacaíocht a léiriú don Chróit, beart siombalach ag an tráth dúshlánach seo do phobal na Cróite.