Ráiteas ón Uachtarán Ó hUigínn ar an bhforéigean in Iosrael agus Gaza
Dáta: Lua 9th Dei, 2023 | 17:42
"Is mian liom, mar Uachtarán na hÉireann, mo thacaíocht a léiriú don achainí idirnáisiúnta atá ann ag lorg deireadh láithreach leis an sléacht uafásach atá ar bun tar éis ionsaí Hamas ar an Iosrael Dé Sathairn seo caite, agus an freagra air. I measc íospartaigh an ionsaí tá saoránaigh, daoine óga agus páistí, chomh maith le baill teaghlaigh eile.
Tá ionsaí ar bith a dhéantar ar shaoránaigh soineanta, mar a chonacthas ag féile cheoil Supernova agus ag áiteanna eile, go hiomlán do-ghlactha agus náireach. Caillfear beatha eile go fánach má bhíonn tuilleadh ionsaithe agus beartas díoltais ann. Ní bheidh toradh dearfach ar bith ar na gníomhartha úd. Tá cur chuige fiúntach de dhíth leis na coinníollacha cuí a chruthú le síocháin a thógáil. Cúis í seo ar chóir dúinn ar fad a bheith ar a son. Beidh toradh millteanach ar theipeadh taidhleoireachta dul i ngleic leis an gcoimhlint seo, a ardaíodh gach bliain ag na Náisiúin Aontaithe.
Cruthaítear croíthe cloiche ag easpa rannpháirtíocht dhearfach. Ba chóir go dtabharfaidh sé chun cuimhne dúinn an fhreagracht atá orainn ar fad filleadh ar agus dul i ngleic le foinsí coimhlinte – ag glacadh le ceart Iosrael é féin a chosaint, chomh maith le cearta daonna mhuintir na Palaistíne a chomhlíonadh.
Níl aon dul amú ar na guthanna idirnáisiúnta atá tar éis achainí a dhéanamh deireadh a chur leis an marú sibhialtach. Tuigtear cé chomh deacair is atá sé an tsíocháin seo a bhaint amach.
Ach, má tá deireadh le cur leis seo, tá gníomh de dhíth láithreach bonn ó chomharsana agus ó fhorais idirnáisiúnta le sos cogaidh a bhaint amach.
Mholfainn go mbeadh freagra ar an gcoimhlint leanúnach seo, a bhfuil comhthéacs stairiúil aige agus atá á fhíorú anois le hiarmhairtí marfacha nua. Caithfear go mbeadh an freagra i gcomhréir le dlí idirnáisiúnta, le riachtanais daonna agus le meas ar chinntí na Náisiún Aontaithe. Impím orthu gníomhú a dhéanamh ar an toirt.
Ba chóir go mbeadh cruachás na saoránach i ngreim na gcoinníollacha uafáis seo mar chúis imní dúinn ar fad. Tagaim le Rialtas na hÉireann sa bhuairt a léiríodh dóibh sin ar fad atá i mbaol in Iosrael agus Gaza, agus tacaím lena iarratas ar shos cogaidh agus cosaint shaol na saoránach soineanta uile.
Déanaim comhbhrón ó chroí le teaghlaigh na n-íospartach, agus táimid ag cuimhneach faoi láthair, go háirithe, ar mhuintir Kim Damti, ár gcomhshaoránach."