Thug an tUachtarán Micheál D. Ó hUigínn cuairt ar uaigh an Tiarna Samuel Ferguson, a d’athchóirigh grúpa pobail Dhál Riada, agus atá suite ag Séipéal Naomh Eoin, Cnoc Donegore.
Thug an tUachtarán cuairt threoraithe ar an seanséipéal agus ar an reilig, agus ina dhiaidh sin cuireadh searmanas simplí ar siúl ag uaigh Ferguson. Thug an tUachtarán cuairt ansin ar na Stiúideonna Ealaíne Leadlines, áit ar thug grúpa Dál Riada réamhamharc dó ar fhuinneog dhaite a rinne an grúpa faoi threoir Institiúid Taighde na Coimhlinte. Léiríonn an obair ealaíne íomhánna d’oidhreacht agus de chultúr saibhir Uladh.
