Thug an tUachtarán cuairt ar Dhún Laoghaire chun clár imeachtaí a dhéanfaidh comóradh ar bhunú an chalafoirt 200 bliain ó shin a lainseáil.
Cuireadh tús le tógáil an chalafoirt in 1815 agus leagadh bunchloch chéanna nua eibhir an chalafoirt in 1817. Ina óráid chun bunú an chalafoirt 200 bliain ó shin a chomóradh, dhírigh an tUachtarán ar an gcaoi a bhfuil an calafort agus an tsochaí thart timpeall air ag athrú, agus ghlac sé buíochas leo siúd go léir atá bainteach lena chaomhnú agus lena hoibriú.
