Áras an Uachtaráin
Tá cónaí ar an Uachtarán in Áras an Uachtaráin, i lár Pháirc an Fhionnuisce i mBaile Átha Cliath
Stair an Tí
Tógadh an teach i bhfad ó shin, in 1751, agus bhí sé ina theach cónaithe ag ionadaí oifigiúil Rí nó Banríon na Breataine in Éirinn (Fear Ionaid an Rí in Éirinn mar a thugtaí air). Tá cuid mhaith pictiúr agus píosaí ealaíne a thaispeánann an chuid sin de stair an tí. Tar éis d'Éirinn neamhspleáchas a bhaint amach, rinneadh teach cónaithe Uachtarán na hÉireann de. Ba é Dubhghlas de hÍde an chéad Uachtarán a chuaigh chun cónaithe sa teach in 1938.
Baile an Uachtaráin
Cé go bhfuil an tÁras sean, tá cuma álainn inniu air, agus déantar cothabháil mhaith agus caomhnú air. Is teach cónaithe sona agus compórdach atá ann - cé go bhfuil roinnt comharsan coimhthíoch béal dorais aige a bhíonn glórach ó am go chéile, sa zú.
An raibh a fhios agat?
Is féidir leat cuairt a thabhairt ar Áras an Uachtaráin saor in aisce. Bíonn turais ar fáil gach Satharn, a thosaíonn in Ionad Cuairteoirí Pháirc an Fhionnuisce, atá buailte leis an Áras. Cuimsítear taisteal chuig Áras an Uachtaráin sa chuairt, turas ar an ionad taispeántais agus ar sheomraí fáiltithe an stáit agus ar na gairdíní. D'fhéadfadh sé go gcuirfí na turais ar ceal ó am go ham ar mhaithe le gnóthaí stáit. Maireann na turais aon uair an chloig.
Cad a d'fhoghlaim tú?
Freagair na ceisteanna faoin Uachtarán reatha chun d'eolas a thástáil.
{{question.title}}
{{question.text}}
Torthaí
Scór iomlán: {{score()}} / {{quiz.questions.length}}