Leabharlann na Meán

Eisiúintí Nuachta

Ráiteas ó Áras an Uachtaráin ar bhás Austin Currie

Dáta: Mái 9th Sam, 2021 | 21:19

Tá an tUachtarán Micheál D. Ó hUigínn tar éis a bhrón mór a chur in iúl ar chloisteáil dó gur bhásaigh Austin Currie tráthnóna.
 
Dúirt an tUachtarán,

“Tá polaiteoir tiomanta, macánta, an-dúthrachtach caillte ag Éirinn, fear a raibh ionchur suntasach aige i saol an iliomad daoine ar fud na hÉireann le linn gairmréim éagsúil agus dhúshlánach. 
 
Cuimhneofar air mar bhall bunaithe an SDLP agus mar ghníomhaí misniúil i nGluaiseacht Chearta Sibhialta Thuaisceart Éireann ag am cinniúnach inár stair. 
 
Tá a sheirbhís shármhaith mar dhuine a bhí i bhfách go mór le muintir na tíre seo agus mar pholaiteoir fágtha mar oidhreacht mhaorga aige. Ba shásamh agus ba phribhléid a bhí ann a bheith ag obair leis mar chomhghleacaí sa pholaitíocht.
 
Cuimhneofar air mar ionadaí pobail a d’fhreastail go díograiseach ar mhuintir oileán na hÉireann thar na scórtha bliain. 
 
Cuireann Saidhbhín agus mé féin ár gcomhbhrón ó chroí in iúl do Annita, dá chlann, dá gharchlann agus dá mhuintir agus dá chairde go léir.
 
Síocháin shíoraí dá anam.”