Freastalóidh an tUachtarán Ó hUigínn ar Dhara Comhdháil Idirnáisiúnta Chumann Staire Lucht Saothar na hÉireann i Halla na Saoirse, Baile Átha Cliath.
I mí Aibreáin na bliana seo, chuir an tUachtarán Ó hUigínn crann i gcuimhne ar Tom Johnson (1872-1963), údar Chlár Daonlathach na Dála, ar thailte Áras an Uachtaráin.
Bhí cur an chrainn mar chuid d’fháiltithe faoi scáth an Uachtaráin le ceiliúradh a dhéanamh ar 50 bliain de Chumann Staire Lucht Saothar na hÉireann.
Bunaíodh Cumann Staire Lucht Saothar na hÉireann (ILHS) i 1973 ar mhaithe le caomhnú a dhéanamh ar thaifid agus ar chuimhneacháin, idir scríofa agus labhartha, lucht saothar agus eagraíochtaí na hÉireann.
