Thug an tUachtarán an príomhaitheasc ar ócáid Lá Cuimhneacháin an Uileloiscthe.
Tugann Lá Cuimhneacháin an Uileloiscthe chun cuimhne gach bliain na daoine sin go léir a bhásaigh san Uileloscadh. Tugann sé chun cuimhne sé mhilliún fear, bean agus páiste Giúdach agus na milliúin eile a ndearnadh géarleanúint orthu agus a dhúnmharaigh na Naitsithe mar gheall ar a n-eitneacht, a míchumas, a ngnéaschlaonadh, a gcleamhnú polaitíochta nó a gcreideamh reiligiúnach.
Le linn na seirbhíse, lasadh coinnle ar son íospartach Giúdach an Uileloiscthe, agus léadh amach ainmneacha na nÉireannach a fuair bás sa chinedhíothú.
Thug an tUachtarán an t-aitheasc ag an gcomóradh bliantúil in 2019, 2015 agus 2012. Cliceáil anseo chun óráid an Uachtaráin in 2019 a léamh.
