In Áras Ceoldrámaíochta Sydney, bhuail an tUachtarán le ceannairí gnó Astrálacha agus Éireannacha. Tá 56 Cuideachta Éireannach i dteannta an Uachtaráin ar a Chuairt Stáit; ina measc 21 cuideachta atá tar éis taistil chuig an Astráil den chéad uair. Tá sé mar aidhm ag an gCuairt Stáit na naisc idir Éire agus an Astráil a neartú, i réimsí na trádála, na turasóireachta, an spóirt, na n-ealaíon agus an chultúir. Spreag an tUachtarán cuideachtaí Astrálacha chun ceangal a dhéanamh le gnóthaí Éireannacha.
