Dé Luain, d'oscail an tUachtarán Ó hUigínn taispeántas de 39 pictiúr ó Thiomnacht Hugh Lane go hoifigiúil.
Eagraíodh an taispeántas chun comóradh a dhéanamh ar an athnuachan ar chonradh speisialta idir an Gailearaí Náisiúnta i Londain agus Gailearaí Hugh Lane i mBaile Átha Cliath.
Cuimsítear úinéireacht 39 saothar ealaíne a thiomnaigh Lane do Ghailearaí Náisiúnta Londan agus atá ar iasacht ag Gailearaí Hugh Lane sa chonradh.
Ina óráid, chuir an tUachtarán Ó hUigínn in iúl nárbh é seo ach an dara hócáid ar cuireadh tiomnacht iomlán Hugh Lane faoi dhíon Ghailearaí Hugh Lane – bhí an chéad ócáid ann in 2008 chun bunú an Ghailearaí céad bliain roimhe sin a cheiliúradh.
