Ráiteas ar bhás Pauline Bewick
Dáta: hAo 29th Iúi, 2022 | 15:56
Mar Uachtarán na hÉireann, agus thar ceann Shaidhbhín, tuigim go bhfuilimid ar an gcaoi chéanna le grúpa mór daoine in Éirinn a bhfuil brón domhain orthu faoi bhás ár gcarad dhílis, an t-ealaíontóir aitheanta Pauline Bewick.
Cuimhním siar go ceanúil ar an gcuairt a thug mé ar stiúideo Pauline i gCiarraí mí na Samhna seo caite. Ba mhór an onóir í dom féin agus do Shaidhbhín as an am seo a chaitheamh le Pauline agus lena hiníonacha, i láthair shaothair éagsúla a saoil – pictiúir uiscedhatha, taipéisí, taipéisí balla agus sceitsí, iad ar fad mar léiriú ar thallann cruthaitheach, leithleach agus as an nua.
Ba ar an stiúideo sin i gCiarraí a d’fhill sí i gcónaí, agus chaith Pauline roinnt blianta ann, idir tréimhsí taistil, lena clann ag cruthú saothar ealaíne eiseamláireach.
Bronnadh gradam Comhlachas Chiarraí in Ealaíona Átha Cliath uirthi ag ócáid in Áras an Uachtaráin in 2019, as a hionchur ollmhór ar ealaíona agus ar chultúr na hÉireann.
Bhí an-mheas acu siúd a bhí cairdiúil le Pauline as a dúthracht lena bealach féin a dhéanamh i gcónaí, as machnamh sainiúil a dhéanamh ar an saol, as diúltú géilleadh do sheánra amháin agus as domhain gan teorainneacha a chruthú.
Ba theist ar shaol flaithiúil Pauline iad na 500 píosa ealaíne a bhronn sí ar Náisiún na hÉireann dá 70ú breithlá.
Ar mo shon féin agus ar son Shaidhbhín, déanaimid comhbhrón ó chroí le hiníonacha Pauline, Polly agus Holly, lena mic cleamhnais, garpháistí, neacht, nia, muintir agus lena grúpa mór cairde.
Suaimhneas síoraí dá hanam.
Micheál D. Ó hUigínn
Uachtarán na hÉireann