Ráiteas ar bhás do Julia O'Faolain
Dáta: Céa 28th Dei, 2020 | 17:22
"Mar Uachtarán na hÉireann, ba mhaith liom mo chomhbhrón a chur in iúl faoi bhás Julia O'Faolain.
Is le brón mór a chloisfidh a cuid léitheoirí iomadúla faoi bhás Julia O'Faolain, chomh maith leo siúd go léir a thuig an barr feabhais a chuir sí ar a cuid scríbhneoirí.
Ní hamháin go bhfuil oidhreacht na scríbhneoireachta den scoth fágtha le hoidhreacht ag Julia O’Faolain, i dtéarmaí carachtar agus snáitheanna scéil, ach déantar í a cheiliúradh mar scríbhneoir a chuir ról na mban sa tsochaí faoi chaibidil agus a thug léargas ar an ról sin le réalachas radacach.
Ba de shliocht clainne liteartha iomráiti í Julia O’Faolain, agus rinne sí cur síos ar a saol agus í ag fás aníos mar iníon Sheáin Uí Fhaoláin agus Eileen Gould sa bheathaisnéis léirsteanach agus deaslabhartha 'Trespassers' agus dar le cuid mhaith daoine bhí sí ar cheann de na cuimhní cinn ab fhearr ag aon scríbhneoir Éireannach.
Déanaim féin agus Saidhbhín ár gcomhbhrón ó chroí lena clann, a cairde agus leo siúd go léir a léigh a cuid scríbhneoireachta agus a bhain taitneamh aisti."