Ráiteas ón Uachtarán Ó hUigínn ar bhás Jacques Delors
Dáta: Céa 27th Nol, 2023 | 21:15
"Cuimhneofar ar Jacques Delors mar dhuine de na habhcóidí is iomráití a d'fhéadfadh a bheith ina Aontas Eorpach fíorchuimsitheach.
Bhí sé ina ionadaí aislingeach in éabhlóid na hEorpa. Léiríodh é seo, mar shampla, i ngníomhaíochtaí ar nós a chuid plé ar chroí na hEorpa, ar thug sé cuireadh dóibh siúd de gach creideamh agus meon eiticiúil páirt a ghlacadh iontu. Fís oscailte, fhlaithiúil d'Eoraip ar cheart di meas a léiriú ar gach traidisiún agus cultúr, agus a bheith bunaithe ar thodhchaí na síochána, cóimheasaagus dínite.
Sna deich mbliana a chaith sé ina Uachtarán ar an gCoimisiún Eorpach, rinne Jacques Delors maoirseacht ar thabhairt isteach raon leathan príomhthionscnamh, lena n-áirítear clár Erasmus um mhalartú mac léinn agus limistéar taistil Schengen. Thuig sé freisin an tábhacht a bhaineann le beartas cultúrtha mar Uachtarán ar an gCoimisiún agus thug sé tús áite dó mar chuid dá cheannaireacht.
D'aithin Delors, go suntasach, go gcaithfear riachtanais eacnamaíocha a chothromú le riachtanais na sochaí agus gur éiligh an margadh nua go mbeadh cineálacha cosanta comhionanna, mura mbeadh níos mó ná sin ann, don saoránach agus d'fhorbairt Eoraip Shóisialta.
Bhí sé orthu siúd a lean ar aghaidh ag tacú leis an gcothromaíocht sin agus le hEoraip a fhorbairt ina mbeadh fís dhomhanda chuimsitheach dá saoránaigh, lena n-áirítear trí obair Institiúid Jacques Delors.
Mar a dúirt sé, "ní hamháin go dteastaíonn trodaithe dóiteáin ón Eoraip, tá ailtirí de dhíth uirthi freisin". Bhí Jacques Delors ar dhuine de na hailtirí ba mhó le rá.
Ba mhaith liom comhbhrón a dhéanamh lena iníon Martine Aubry, agus lena chlann, lena chomhghleacaithe agus lena chairde go léir."