Ráiteas ón Uachtarán Higgins ar bhás Charlie Bird
Dáta: Mái 12th Már, 2024 | 11:20
“Is le mór-bhrón a bheidh muintir na hÉireann ar fad, agus go háirithe iad siúd go léir a bhí ina chomhghuaillithe aige san fheachtas ar son an oiread sin cúiseanna suntasacha, tar éis a fháil amach faoi bhás Charlie Bird.
Craoltóir thar a bheith cumasach é Charlie, fear fíor-suntasach faoi thiomáint ag braistint dhomhain ar cheartas sóisialta sa chiall is dearfaí.
Bhí baint doscriosta ag Charlie le cuid de na scéalta is mó sa bhaile agus thar lear le linn a cheithre scór bliain le RTÉ, is cuimhin liom mar shampla a bheith in éineacht leis san Iaráic.
Mar iriseoir iomasach, d’aithin Charlie le cúiseanna thíos. Bhí sé ar dhuine de mhór-iriseoirí a ghlúine mar gheall ar a thóir tiomanta ar an bhfírinne, agus a chumas ollmhór caidreamh te a thógáil a mhairfeadh ar feadh an tsaoil leo siúd go léir a ndeachaigh sé i dteagmháil leo.
Tá barántúlacht an chaidrimh seo le sonrú sna naisc ar feadh an tsaoil a rinne sé leis an oiread sin díobh siúd ar thug sé guth dóibh. Smaoiním go háirithe ar an tacaíocht fiche nó tríocha bliain a thug sé d’íospartaigh na tine Stardust, agus go deimhin an tacaíocht mhealltach a thug siad dó mar an gcéanna.
B’fhéidir thar aon rud eile, go gcuimhneofar ar Charlie mar gheall ar an méid mór a rinne sé ó diagnóisíodh go raibh Galar Néaróin Mótair air in 2021, tar éis dó a thabhairt faoi deara den chéad uair nach raibh rud éigin ceart trí bliana ó shin an tseachtain seo ar Lá Fhéile Pádraig na bliana sin.
Tá sé deacair gannmheas a dhéanamh ar an tionchar a bhí ag obair Charlie chun ‘Lámh na Cairdeas a Shíneadh’ ar ár dtír. D'ardaigh a thionscnaimh iomadúla, ar nós Climb with Charlie, leibhéil dochreidte maoinithe do go leor cúiseanna agus eagraíochtaí tábhachtacha. Tabhartas do gach glúin a mhairfidh.
Níos mó ná sin fós, ba mhór an dínit, an neart, an dóchas agus an inspioráid a d’iompair Charlie ualach a thinnis. Ar bhealach a bhí fíor-neamhghnách, rinne Charlie ath-shainmhíniú ar ár bpeirspictíocht chomhchoiteann ar an tinneas a bhaineann le Galar Néaróin Mhótair agus tinneas foirceanta i gcoitinne.
Ní fhéadfaí an barántúlacht, ar chostas pearsanta suntasach, a thug sé chuige seo ar fad a bhaint amach trí mhodh cumarsáide ar bith eile. Creidim gur bhain a thaithí le gach baile sa tír seo agus go bhfágfaidh sé oidhreacht bhuan nach ndéanfar dearmad uirthi.
Ba mhór an onóir fáilte a chur roimh Charlie, a bhean chéile Claire, agus a madra Tiger chuig Áras an Uachtaráin i mí an Mheithimh 2022 agus buíochas a ghabháil leis go pearsanta as gach a bhfuil déanta aige.
Mar Uachtarán na hÉireann, is féidir liom comhbhrón ó chroí a ghabháil le Claire, le iníonacha Charlie, Orla agus Nessa, agus lena theaghlach ar fad, lena chomhghleacaithe agus lena lán cairde.
Síocháin síoraí dá anam lách uasal.”