Ráiteas ón Uachtarán Connolly faoi bhás Gabriel Rosenstock
Dáta: Lua 6 Aib, 2026 | 18:13
"Ba mhaith liom mo ghlór a chur leo siúd ar fad atá a mbrón á gcur in iúl acu tar éis bhás do Ghabriel Rosenstock, an file, aistritheoir, drámadóir agus scríbhneoir ildánach.
Ní leor iad na teidil sin chun cur síos a dhéanamh ar an méid atá saothraithe ag Gabriel i gcaitheamh a shaoil.
D'fhág sé lorg ar leith ar shaol na scríbhneoireachta lena shaothar i nGaeilge ní amháin leis an méid a chum sé féin ach freisin leis an méid a chur sé ar fáil ó scríbhneoirí móra an domhain lena réimse leathan aistriúchán.
Tá sult agus tairbhe bainte agus fós le baint ag chuile aoisghrúpa as a chuid scríbhneoireachta. Cinnteoidh a chuid aistriúchán go mairfidh nasc idir ár dteanga agus cultúir uile an domhain.
Le roinnt seachtainí anuas tá Gabriel tar éis a thaithí le tinneas agus a mhachnamh saoil a roinnt go fial agus go flaithiúil leis an bpobal.
Aireofar uainn go mór é.
Ba mhaith liom mar Uachtarán na hÉireann mo chomhbhrón ó chroí a chur in iúl do bhean chéile Ghabriel Eithne, dá chuid páistí Tristan, Héilean agus Saffron; a iníon Éabha atá imithe roimhe; dá mhuintir agus a chairde uile, dá chomhghleacaithe in Aosdána, agus dá lucht léitheoireachta agus leanúna ar fud an domhain.
Ar dheis Dé go raibh a anam dílis."