Ráiteas ó Uachtarán na hÉireann ar bhás Margaretta D’Arcy
Dáta: Lua 24th Sam, 2025 | 15:30
Mar Uachtarán na hÉireann, bhí fíorbhrón orm nuair a chuala mé faoi bhás Margaretta D’Arcy. Ba ealaíontóir cróga, gníomhaí síochána, agus ball dílis d’Aosdána í Margaretta D’Arcy.
Bean thiomanta ab ea Margaretta, mar aisteoir, mar dhrámadóir, mar scannánóir agus mar scríbhneoir. Thug sí macántacht ina cuid oibre i gcónaí.
Bhí a dúthracht don tsíocháin agus don ghníomhaíochas in aghaidh na cogaíochta chomh domhain céanna. Ba abhcóide í ar son ceartais dhomhanda, agus ba taca dílis í do mhuintir na Palaistíne. Ghlac sí páirt go rialta in agóidí bunaithe ar a creideamh láidir i gcearta an duine.
Le déanaí, thacaigh Margaretta le mo fheachtas uachtaránachta féin, agus táim buíoch as a flaithiúlacht agus an spreagadh a thug sí dom. Is cuimhin liom go ceanúil an cruinniú deireanach a bhí agam le Margaretta díreach coicís ó shin.
Léiríonn bhás Margaretta cailliúint gutha uathúil i saol cultúrtha agus sibhialta na hÉireann. Is mór an cailliúint í ag gach duine a raibh aithne acu uirthi.
Ba mhaith liom mo chomhbhrón a chroí a chur in iúl dá teaghlach, dá cairde, agus do chách a raibh grá agus meas acu uirthi.
Ar dheis Dé go raibh a hanam.