Ráiteas ón Uachtarán Connolly ar Lá Idirnáisiúnta na mBan 2026
Dáta: Domh 8 Már, 2026 | 11:16
Dúirt an tUachtarán Catherine Connolly, ar Lá Idirnáisiúnta na mBan, nach féidir neamhaird a dhéanamh ar na hiarmhairtí tubaisteacha a thagann as sárú a bheith déanta ar Chairt na NA.
“Is ábhar uafáis agus eaglach iad na sáraithe atá á ndéanamh ar an dlí idirnáisiúnta os ár gcomhair amach, ach ní féidir linn fanacht ciúin.
Ní easaontais pholaitiúla an méid atá feicthe againn sa Meán Oirthear agus níos faide i gcéin le laethanta beaga anuas.
Is ionsaithe d’aon ghnó iad ar an dlí idirnáisiúnta. Na dlíthe idirnáisiúnta atá mar bhunús na síochána domhanda le 80 bliain anuas.
Caithfidh muid ionsaithe a thabhairt ar an méid atá ag tarlú gan aon sofhriotal nó díchiallú.
Tá Éire, thar aon tír nó náisiún, ábalta seo a dhéanamh.
Seasann ár dtaifead síochánaíochta, nár briseadh ó 1958 i leith, agus na blianta de thiomantas don dí-armáil mar chuntas ar an tionchar as cuimse is féidir a bheith ag stát beag neodrach nuair a ghníomhaíonn sé le hionracas agus cuspóir.
Agus, cuireann ár dtaithí le cóilíneacht, gorta, agus réiteach síochánta choimhlint An Tuaiscirt; nár tharla go héasca; dualgas orainn labhairt amach.
Ní féidir normalú a dhéanamh go deo ar uafás cogaidh, nó glacadh leis.
Tá Airteagal 29 de Bhunreacht na hÉireann soiléir:
1 Dearbhaíonn Éire gur mian léi síocháin agus comhar, de réir an chothrom idirnáisiúnta agus na moráltachta idirnáisiúnta, a bheith ar bun idir náisiúin an domhain.
2 Dearbhaíonn Éire fós gur mian léi go ndéanfaí gach achrann idir náisiúin a réiteach go síochánta le headráin idirnáisiúnta nó le cinneadh breithiúnach.
3 Glacann Éire le bunrialacha gnáth-admhaithe an dlí idirnáisiúnta le bheith ina dtreoir d’Éirinn ina caidreamh le stáit eile.”
Bímis, ar Lá Idirnáisiúnta na mBan, ag machnamh ar na tiomantais shollúnta atá tugtha againn i mBunreacht ár Náisiúin agus chuile rud is féidir a dhéanamh chun tacú leis na Náisiúin Aontaithe agus leo siúd ar fad atá ag gníomhú chun síocháin a chothú ag tráth go bhfuil teanga á cur as a riocht agus cogadh á chosaint agus á normalú ag mórán.”