Bhí an tUachtarán Ó hUigínn i dteannta daoine as gach cúlra agus gach creideamh agus onóir á tabhairt do dheontóirí orgáin, ag an 35ú Seirbhís Bhliantúil Cuimhneacháin agus Buíochais de Chumann Duán na hÉireann.
Craoladh an tseirbhís ar theilifís RTÉ.
Tá an tUachtarán Ó hUigínn ina Phátrún ar Chumann Duán na hÉireann, agus ina theachtaireacht thug sé ómós do dheontóirí orgáin, idir bheo agus mharbh, a chuir ar chumas daoine glacadh leis an "tíolacadh sin is luachmhaire, an bheatha agus an mhaireachtáil.”
In 2018, rinne an tUachtarán Ó hUigínn Lá Fhéile Pádraig a cheiliúradh trí chuireadh a thabhairt do dheontóirí orgáin, d'fhaighteoirí, agus dá muintir chuig Áras an Uachtaráín, chun dlúthpháirtíocht agus flaithiúlacht na ndeontóirí a cheiliúradh. Chun tuilleadh eolais ar an imeacht sin a fháil, cliceáil anseo.
